【Le Petit Prince 小王子 x Jam Story Jooove Cha】

好興奮同大家宣佈Le Petit Prince 小王子 x Jam Story . Jooove Cha 推出呢一系列聯乘產品。

《小王子》呢本書係其中一本我會睇完再翻睇又再翻睇嘅一本書,中學時睇就當係故事書睇,感受冇特別深;

出外讀大學時我將呢本書放入行李箱一齊帶走,一個人身處外地,要自己獨立面對好多人同事,我開始明白書中嘅內容,經常都會隨意打開一頁睇,發現書中唔同星球嘅人,都已出現喺自己身邊;

到出嚟工作,變成「大人」,看到原來自己開始慢慢出現小王子口中嘅大人怪異行為,閑時攞呢本書出來睇,提提自己放開一啲;

為咗今次嘅crossover,我再次認真睇一次《小王子》,睇到喊。因為呢幾年工作,生活忙碌,的確冇時間去照顧自己心中嘅「小王子」,有時生活中自己又帶住《小王子》入面某啲星球大人嘅執著,當刻問咗自己一個問題:我是誰?

相信有睇《小王子》嘅朋友,隨住年齡嘅增長,每次再閱讀《小王子》都同我一樣有唔同嘅體會,亦會回憶一下自己嘅人生旅程,而的確 「Life is a Journey」。

所以,今次同小王子聯乘推出嘅產品,希望可以透過食物、食器,大家可以同自己心中嘅「小王子」sayhello問好。

​購物滿$750免「翼蜂速運」本地運費 ​(部份地區不適用,詳請請參考網頁內 "訂購指引")